Üç qadının daxmada yaşanan dramı - Ailənin 13 yaşlı qızını məktəbə GÖTÜRMÜRLƏR - VİDEO

Balaca bir daxmada 10 ildir ki, Kazımovlar ailəsi yaşayır. Qışın sərt soyuğunda, yayın isə cəhənnəm istisində onlar bu evdə yaşamağa məcburdular. Yerli qurumlar isə ailənin bu vəziyyətinə etinasız qalmaqda davam edirlər.

Sonxeber.az xəbər verir ki, Apa TV-nin əməkdaşları sözügedən ailənin evində olub. Saatlıda daxmada yaşayan 89 yaşlı qadın, onun qızı və nəvəsi çarəsiz vəziyyətdədir. Nazlı nənə deyir ki, 3 əfəllik ailənin ümid yeri onun təqaüdüdür. Yaşadıqları yer isə əlverişsizdir:

"Səhər tezdən evə ilan girdi. Yağış yağanda ev pis günə qalır. Bu gün varam, sabah yox. Ailəmin vəziyyəti pisdir. Mən öləndən sonra bu insanlar nə yeyəcəklər?".

Nazlı nənənin narahatlığı tək yaşadıqları şəraitsizlik deyil. 13 yaşı olsa da nəvəsi heç bir təhsil ala bilməyib:

"Uşağı məktəbə apardılar amma götürmədilər. Qızın indi 13 yaşı var".

Ailədə iş qabiliyyəti olan şəxs 54 yaşlı Mailə xanımdır. Narkotik asılılığı olan həyat yoldaşından ayrılan xanım 10 ildir ki, bu daxmada anası və qızı ilə yaşayır. Mailə xanım deyir ki, indiyə kimi qızını məktəbə öz savadsızlığı ucbatındandır.

Ətraflı Apa TV-nin süjetində:

Telegramda izləyin