Prezident İlham Əliyev Özbəkistanın baş nazirinin müavinini qəbul edib
Azərbaycan Respublikasının Prezidenti İlham Əliyev sentyabrın 23-də Özbəkistan Respublikasının baş nazirinin müavini Cəmşid Xocayevi qəbul edib.
AZƏRTAC xəbər verir ki, qəbula görə minnətdarlığını bildirən Cəmşid Xocayev, ilk növbədə, Özbəkistan Respublikasının Prezidenti Şavkat Mirziyoyevin salamlarını və ən xoş arzularını dövlətimizin başçısına çatdırıb.
Prezident İlham Əliyev salamlara görə təşəkkürünü bildirib, onun da salamlarını Şavkat Mirziyoyevə çatdırmağı xahiş edib.
Cəmşid Xocayev vurğulayıb ki, Prezident İlham Əliyevin uzaqgörən siyasəti nəticəsində Azərbaycanın əldə etdiyi böyük uğurlar Özbəkistanda sevinc hissi ilə qarşılanır. O, 20 Sentyabr - Azərbaycanın Dövlət Suverenliyi Günü münasibətilə təbriklərini çatdırıb.
Özbəkistan üçün Azərbaycanın mühüm dövlətlər sırasında layiqli yeri olduğunu deyən qonaq ölkəmizin həm regionda, həm də dünyada böyük nüfuza malik olduğunu vurğulayıb. O qeyd edib ki, Prezident İlham Əliyevin müdrik qərarları ilə azad olunmuş ərazilərimizdə, o cümlədən tarixi şəhərlər olan Şuşa və Xankəndidə həyata keçirilən böyük yenidənqurma və bərpa işləri Özbəkistanda maraqla izlənilir.
Cəmşid Xocayev iş adamları ilə birgə ölkəmizə səfərinin Azərbaycan və Özbəkistan prezidentlərinin tapşırıqlarının yerinə yetirilməsi ilə bağlı olduğunu diqqətə çatdırıb.
Prezident İlham Əliyev Özbəkistana dövlət səfərini, ondan əvvəl isə Özbəkistan Prezidentinin Azərbaycana səfərini məmnunluqla xatırlayıb. Özbəkistana dövlət səfəri zamanı iki ölkənin iş adamları ilə keçirdikləri görüşün əhəmiyyətinə toxunan Azərbaycan Prezidenti investisiya layihələri üzərində fəal iş aparılması istəyinin olmasını məmnunluqla qeyd edib. Bu baxımdan Prezident İlham Əliyev yaradılmış birgə investisiya fondunun artıq konkret layihələrlə təmin olunduğunu vurğulayıb.
Əziz qardaşı Şavkat Mirziyoyevlə qarşıdakı görüşlərini məmnunluqla gözlədiyini deyən Azərbaycan Prezidenti hər iki dövlət başçısının görüşlərinin əməkdaşlığın gündəliyində duran məsələlərin həyata keçirilməsi baxımından önəmini qeyd edib.
Prezident İlham Əliyev Özbəkistan Baş nazirinin müavininin ölkəmizə səfərinin əməkdaşlığımızın genişləndirilməsi işinə xidmət edəcəyinə əminliyini bildirib.
Görüşdə əlaqələrimizin perspektivləri ilə bağlı fikir mübadiləsi aparılıb.
14:58
Azərbaycan Respublikasının Prezidenti İlham Əliyev sentyabrın 23-də Özbəkistan Respublikasının baş nazirinin müavini Cəmşid Xocayevi qəbul edib.
Bu barədə AZƏRTAC xəbər verir.
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











İldə cəmi 1 qram istehsal olunur - Dünyanın ən bahalı 10 delikatesi
Hamının diqqətini çəkən zirvədəki evi: maraqlı hekayəsi var
Minimum əmək haqqı nə zaman artırılacaq?
Xocalının balaca sakini hər kəsi güldürdü: "Məktəbə getməyəcəyəm" (VİDEO)
May pensiyaları bu tarixdə ödəniləcək
Bu ərazidəki 22 ev söküləcək: Sakinlərə kompensasiya veriləcək
103 yaşlı həkim uzunömürlülüyün - 3 sirrini açıqladı
Rayonlarda intensiv yağış, qar yağacaq, dolu düşəcək
Külək əsəcək - Xəbərdarlıq
Nazirlik "Dr.Gülü" ilə bağlı araşdırma apardı - Bir çox gizlinlərin üstü açıldı
Yupiter texniki olaraq Günəş ətrafında fırlanmır: Yer tez-tez eyni vəziyyətdə olur
Məşhur generalın xanımı vəkilliyə başladı
"Ermənistanda hakimiyyətə gələcək qüvvələr düşünməlidir ki, hər şey 7 iyun tarixi ilə məhdudlaşmır, ondan sonrası da var" - DEPUTAT
Cəhənnəm istisi yaxınlaşır: Temperatur +48 dərəcəyə qədər yüksələcək
Qəzada həlak olan 6 azərbaycanlının kimliyi bilindi - Foto