Məşhur blogger faciəvi şəkildə öldü

Amerikada 28 yaşlı blogger faciəvi şəkildə həyatını itirib.

Sonxeber.az xarici mediaya istinadən xəbər verir ki, bir uşaq anası olan 28 yaşlı Demaris Martinez Nyu Cersi ştatının Paramus şəhərində küçəni keçərkən yük maşınının onu vurması nəticəsində dünyasını dəyişib.

Gözəllik, həyat tərzi, alış-veriş və yeməklə bağlı müxtəlif kontentlər hazırlayan bloggerin ölümü izləyicilərini dərin kədərə boğub.

Paramus Polis Qəza Təhqiqat Bölməsindən verilən məlumata görə, hadisə ilə bağlı təfərrüatlı araşdırma hələ bitməyib.

Qeyd edək ki, sosial mediada paylaşdığı bəzi videolarda şəxsi həyatından bəhs edən Demaris orta məktəb illərində irqçiliyə məruz qaldığını və o dövrdə həyatın onun üçün olduqca çətin olduğunu açıqlamışdı.

Telegramda izləyin