"Solovyova Putinin ali baş komandan kimi istefası haqda təklifi ona görə dedirtdilər ki..."

"Əvvəlcədən planlaşdırılmış hadisələri qabaqcadan deməklə Jirinovski xalqın gözündə, az qala, uzaqgörənlik simvoluna çevrilmişdi. Eyni ilə Solovyovun üzərinə də bu funksiyanı qoyub, onu yeni Jirinovski etmək istəyirlər..."

"Həm də bunu dedirtməklə, Rusiyada demokratiyanın olduğunu təqdim etməyə çalışır, dünyaya göstərmək istəyirlər ki, Rusiya daxilində demokratik proseslər dayanmayıb..."

"Sözsüz ki, Vladimir Solovyov Kremlin oyunçusudur və yalnız onun sözünü deyir. O, cızılan çərçivədən kənara çıxa bilməz. Bütün dünyada belə media oyunçuları var".

Bunu Moderator.az-a açıqlamasında "Sizcə, necə oldu, Putinin baş tele-ruporlarından biri olan Vladimir Solovyov bu günlərdə ad çəkmədən dedi ki, lazımdısa, ali baş komandanın da, yəni Putinin də istefasını təşkil edək? O, bunu Rusiyanın elitasındakı hansısa klanın göstərişi ilə etdi, yoxsa?" sualını cavablandırarkən siyasi analitik Tahir Cəfərli söyləyib.

"Yadınıza Jirinovskini salın. Kremlin ruporu idi. Bu gün də hamıya elə gəlir ki, o, uzaqgörən bir siyasətçi idi. Əvvəlcədən planlaşdırılmış hadisələri qabaqcadan deməklə Jirinovski xalqın gözündə, az qala, uzaqgörənlik simvoluna çevrilmişdi. Eyni ilə Solovyovun üzərinə də bu funksiyanı qoyub, onu yeni Jirinovski etmək istəyirlər. Onun Putunin ali baş komandan kimi istefası haqda dedikləri öz fikri deyil, sadəcə bu fikri ona görə dedirtdilər ki, dünyaya göstərilsin ki, Rusiyada Putinə qarşı müxalifət var və bu muxalifət onu yıxa bilər. Həm də bunu dedirtməklə, Rusiyada demokratiyanın olduğunu təqdim etməyə çalışır, dünyaya göstərmək istəyirlər ki, Rusiya daxilində demokratik proseslər dayanmayıb", -deyə davamında analitik diqqətə çatdırıb.

Telegramda izləyin