"Başqa qadına görə ailə dağıdanın..." - Hüseyn tənqidlərə cavab verdi

"Sosial şəbəkələrdən hər birimiz fərqli məqsədlə istifadə edirik. Kimisi malını satır, kimisi sənətini nümayiş etdirir. Aydın məsələdir ki, hər kəs məni sevə bilməz. Amma təhqir etmək olmaz!". Azxeber.com xəbər verir ki, bu sözləri klarnet ifaçısı Hüseyn Məhəmmədoğlu sosial media hesabında paylaşdığı videoda deyib.

Musiqiçi ailəsi haqqında rəy yazanlara müraciət edib:

"Haqqımızda yalan yazanlar var, söyüş yazanlar var, ailəmizə dil uzadanlar var. Çox sağ olun, Allah hamınızdan razı olsun. Mən bu qədər insanı necə susdura bilərəm? Bu mümkün olan şey deyil. Kişi kiməsə söyüş söyməz. Sözü olarsa, çağırar kənara, sözünü deyər. Hər insan da o gücdə deyil".

Daha sonra Hüseyn, ikinci dəfə ailə qurduğu üçün ona ünvanlanan təhqirlərə cavab verib:

"Mənim həyatımda çox şeylər baş verdi. Bu haqda heç danışmaq istəmirəm. Elə şeylər var ki, onu demək olmaz. Allah ailələrimizi və balalarımızı qorusun. Kimsə öz ailəsini heçnədən, səbəbsiz yerə dağıdırsa, Allah da onun həyatını darmadağın eləsin. Kimsə övladlarını atırsa, Allah onun bəlasını versin. Kimsə başqa gözəl bir qadına görə ailə dağıdırsa, onun heç bir zaman ailəsi olmasın. Heç kəs xoş gününə haram qatmaz. Doğrusunu Allah bilir".

Xatırladaq ki, Hüseyn Məhəmmədoğlu İnci adlı xanımla olan ilk evliliyini 2020-ci ildə sonlandırıb. O, 2021-ci ildə aktrisa Aysel İbrahimova ilə yenidən ailə qurub. Onun ilk evliliyindən iki qızı, ikinci evliliyindən isə bir oğlu var.

Telegramda izləyin