Xəstənin yaxınları tərəfindən qadın həkimə qarşı zorakılıq: Saçını yoldular

İzmirin Qaziemir rayonunda həkim İrem Sarıkayanın iki qadın xəstə yaxını tərəfindən əvvəlcə şifahi təzyiqə, daha sonra isə zorakılığa məruz qaldığı iddia edilir.

Sonxeber.az türk mediasına istinadən xəbər verir ki, İzmirdəki Qaziemir Nevvar Salih İşgören Dövlət Xəstəxanasında yaxınlarının müayinə nəticələrini göstərmək istəyən Y.A. və S.C. adlı iki qadın heç bir səbəb olmadan Təcili Tibbi Yardım həkimi İrem Sarıkaya ilə mübahisə edib.

Mübahisə getdikcə böyüyüb və Həkim İrem Sarıkaya otağına gedib. Həmin şəxslər də xəstəxanadan uzaqlaşıblar. Bir müddət sonra yenidən yaxınları üçün xəstəxanaya gələn iki qadın həkim İrem Sarıkaya ilə ikinci dəfə dəhlizdə qarşılaşıb. İddialara görə, xəstənin qohumu Y.A. və S.Ç həkimlə yenidən mübahisə edib. Mübahisə böyüdükcə qadınlar Sarıkayanı döyüblər.

Başı yerə dəyən, saçları yolunan gənc həkim qadınlardan şikayət edib. İfadəsindən sonra ədliyyəyə sövq edilən Y.A. adlı qadın həbs edilib, digər S.C. adlı qadın məhkəmə nəzarəti şərti ilə sərbəst buraxılıb.

Kəllə-beyin travması alan həkim "başımı bir neçə dəfə yerə vurdular, süründüm, üzüm cızıldı, saçım yolundu" deyə bildirib.

Telegramda izləyin