Öldükdən sonra orqanlarının bağışlanması üçün əməliyyata alınan şəxs gözlərini açdı

İngiltərədə Tomas Huver adlı şəxs öldükdən sonra orqan donorluğu üçün əməliyyata alınıb.

Sonxeber.az xarici mediaya istinadən xəbər verir ki, Huverin ürəyi sınaqdan keçirilərkən, o, qəfil gözlərini açıb və ağlamağa başlayıb. Transplantoloq Nataşa Miller bu anı belə ifadə edib: "O, birdən gözlərini açdı. Hərəkət eləməyə başladı və ağladı".

Bu hadisədən sonra cərrahlar orqan əməliyyatından dərhal imtina ediblər. Onlardan bəziləri yaşadıqları travmaya görə müalicə almaq məcburiyyətində qalıb.

Huverin bacısı Donna qardaşının daha əvvəl də hərəkət etdiyini deyib, amma həkimlər bunu refleks kimi izah ediblər.

Kentucky Organ Donation Partners (KODA) hadisəni təkzib etsə də, səlahiyyətlilər məsələ ilə bağlı araşdırmalara başlayıb. Hazırda Huver sağdır, lakin səhhətində ciddi problemlər var və qanuni qəyyum kimi onun qayğısını bacısı öz üzərinə götürüb.

Tibbi etika mütəxəssisləri həyatla ölüm arasındakı incə xəttin nə qədər vacib olduğunu bir daha vurğulayıblar.

Telegramda izləyin