Həyat yoldaşını 17 bıçaq zərbəsi ilə öldürən kişi saxlanıldı

Konyada Ebru Küçüktaşdemir adlı müəllim boşanma prosesində olduğu müəllim əri Abdullah Küçüktaşdemir tərəfindən fərdi dərs vermək üçün getdiyi binanın qarşısında bıçaqlanıb.

Sonxeber.az türk mediasına istinadən xəbər verir ki, hadisə saat 18.30 radələrində mərkəzi Meram rayonunun Havzan məhəlləsində baş verib.

Özəl təhsil müəssisəsində müəllim işləyən Abdullah Küçüktaşdemir boşanma prosesində olduğu həyat yoldaşı və həmkarı Ebru Küçüktaşdemirin arxasınca düşüb. Qadın
özəl dərs vermək üçün şagirdinin evinə gedirdi.

İkili arasında yaranan mübahisə zamanı Küçüktaşdemir yanında olan bıçaqla Ebru Küçüktaşdemirə bədəninin müxtəlif nahiyələrindən 17 bıçaq xəsarəti yetirib.

Məlumat verildikdən sonra hadisə yerinə polis və təcili tibbi yardım göndərilib. Polis əməkdaşları şübhəlini zərərsizləşdirib. Ağır yaralanan qadına ilkin tibbi yardım göstərildikdən sonra o, xəstəxanaya aparılıb.

Ebru Küçüktaşdemir burada edilən bütün müdaxilələrə baxmayaraq xilas ola bilməyib və həyatını itirib.

Şübhəli haqqında istintaq başladılıb.

Telegramda izləyin