Afrikada ilin ən yaxşı futbolçusu namizədləri arasında Məhəmməd Salahın adı yer almayıb

Afrikada ilin ən yaxşı futbolçusu namizədləri arasında İngiltərənin "Liverpul" klubunun hücumçusu Məhəmməd Salahın adı yer almayıb.

"Report" xəbər verir ki, Afrika Futbol Konfederasiyasının açıqladığı siyahıda 10 oyun oyunçunun adı dərc edilib.

Bunlar Simon Adinqra (Kot-d'İvuar), Amin Quiri (Əlcəzair), Seru Qrassi (Qvineya), Aşraf Hakimi (Mərakeş), Ademola Lukman (Nigeriya), Şansel Mbembа-Manqulu (Konqo Demokratik Respublikası), Sufyan Rahimi (Mərakeş), Edmond Tapsoba (Burkina Faso), Uilyam Troost-Ekonq (Nigeriya), Ronven Uilyamsdı (Cənubi Afrika).

Məhəmməd Salah (Misir), Nikolas Cekson (Seneqal), Mohamed Kudus (Qana), Viktor Bonifas (Nigeriya) və Viktor Osimhen (Nigeriya) kimi futbolçuların adları isə siyahıda yoxdur.

Qeyd edək ki, son olaraq 2023-cü ildə Afrikada ilin ən yaxşı futbolçusu Viktor Osimhen seçilib.

Telegramda izləyin