27 yaşlı qız anasına hücum edən atasını bıçaqlayaraq öldürdü

İstanbulun Ümraniye şəhərində Ayşe A. adlı qız anasına hücum edən atasını bıçaqlayaraq öldürüb.

Sonxeber.az türk mediasına istinadən xəbər verir ki, məlumat üzərinə hadisə yerinə gedən polis əməkdaşları 60 yaşlı Atalay A.-nı yaralanmış vəziyyətdə tapıb.

Dərhal xəstəxanaya çatdırılan Atalay A.-nı bütün səylərə baxmayaraq xilas etmək mümkün olmayıb.

Polis hadisəni törədən 27 yaşlı Ayşe A.-nı saxlayıb.

Ayşe A. polis bölməsində verdiyi ifadədə; "Həmişə evə sərxoş gəlirdi. Mənə və anama qarşı zorakılıq edirdi. Hadisə baş verən gün yenə sərxoş halda evə gəldi. Anamla dalaşdılar. Əlindəki bıçaqla ona tərəf gedəndə mən müdaxilə etdim. Mane olmaq istəyəndə onu yaraladım", - deyə bildirib.

Şübhəli Ayşə A. tutularaq həbsxanaya göndərilib.

Telegramda izləyin