Yeni doğulan körpənin ölümünə səbəb tibb bacısının məsuliyyətsizliyi olub? MƏZAR AÇILDI

Diyarbəkirdə özəl xəstəxana yenidoğulmuşların reanimasiya şöbəsində dəhşətli hadisə baş verib.
Sonxeber.az türk mediasına istinadən xəbər verir ki, 5 oktyabr 2021-ci ildə bir ailə reanimasiyadakı əkiz körpələrindən birini itirib.

Xəstəxana körpənin ölümünü təbii ölüm adlandırıb, ancaq reanimasiyada işləyən tibb bacısının irəli sürdüyü iddialardan sonra ailə polisə şikayət edib. Belə ki, tibb bacısı körpənin ölümünə başqa bir tibb bacısının məsuliyyətsizliyinin və iş başında yatmasının səbəb olduğunu iddia edib.

İstintaq çərçivəsində körpənin məzarı açılıb və meyit araşdırılma üçün tibbi ekspertizaya aparılıb.

Körpənin ölüm səbəbi Məhkəmə Tibb Ekspertizanın rəyindən sonra məlum olacaq.

Telegramda izləyin