Dünyaca məşhur futbolçu "Fənərbaxça" ilə "Qalatasaray"ı bir-birinə vurduracaq

"Yuventus"dan ayrılaraq karyerasında yeni səhifə açmaq istəyən Pol Poqba ilə bağlı yeniliklər yaşanmaqda davam edir.

Sonxeber.az xarici mediaya istinadən xəbər verir ki, meneceri vasitəsilə həm "Fənərbaxça", həm də "Qalatasaray"a tövsiyə olunan ulduz futbolçunun müqavilə bağlayacağı komandadan heç bir maliyyə gözləntisi yoxdur. Fransa mətbuatının yazdığına görə, Poqbanın yeni klubundan gözləntiləri maliyyə deyil. Onun əsas məqsədi meydançaya qayıtmaq və çıxış etməkdir.

Poqba son müsahibəsində keçmiş məşqçisi Mourinyodan danışıb və onu nə qədər sevdiyini bildirib. Poqba Mourinyoya olan yaxınlığını belə izah edib: "Mançester Yunaytedə onun üçün gəldim. Cütlük münasibətlərində olduğu kimi bir bağımız var idi, davamlı ayrılır və barışırdıq. Onu bir daha görsəm, möhkəm qucaqlayardım" - dedi. Mourinyo müsbət fikirdə olarsa, "Fənərbaxça" rəhbərliyi bu transfer variantını dəyərləndirə bilər.

Avropanın bir çox klubuna təklif olunan ulduz futbolçu daha əvvəl "Qalatasaray"a da təklif olunmuşdu. Ancaq sarı-qırmızılı klubdan hələlik heç bir cavab gəlməyib.

Vüsalə İbrahimli

Telegramda izləyin