"Ermənistanın bu məsələdən kart kimi istifadə etməsi absurddur..." - POLİTOLOQ

"Qərbi azərbaycanlılar öz tarixi torpaqlarından Ermənistan dövləti tərəfindən qanunsuz olaraq deportasiyaya məruz qalıblar. Məqsəd, Ermənistanın monoetnik dövlət qurmasıdır və hazırda biz bunu müşahidə edirik. Yəni, Ermənistan Azərbaycandan fərqli olaraq monoetnik dövlətdir. Belə nümunə dünyada azdır. Bu isə erməni şovenizmindən xəbər verir".

Bunu Sonxeber.az-a politoloq Əli Zülfüqaroğlu danışıb.

O, açıqlamasında qeyd edib ki, Ermənistan beynəlxalq hüquqa hörmət qoymayaraq, azərbaycanlıların öz doğma torpaqlarına qayıtmasına qarşı çıxır:

"Bunun dövlət siyasəti səviyyəsinə qaldırılması Ermənistanın, əslində, dövlət olaraq hansı mahiyyət daşıdığının göstəricisidir. Ona görə də azərbaycanlılara qarşı tarxin müəyyən dönəmlərində mərhələ-mərhələ, planlı şəkildə bu proseslər həyata keçirilib. Amma, Azərbaycan Vətən müharibəsində əldə etdiyi qələbədən sonra Azərbaycan ərazisində yaşayan erməni sakinlərinə şans verdi ki, onlar Azərbaycan qanunları çərçivəsində burada yaşaya və həyatlarına davam edə bilərlər. Amma, Ermənistan hökuməti planlı şəkildə onları Azərbaycan ərazilərindən çıxardıb və bundan Azərbaycana qarşı istifadə etmək məqsədi güdürdü. Bu səbəbdən də, Azərbaycan beynəlxalq hüququn norma və prinsiplərinə uyğun olaraq Qərbi Azərbaycandan zorla köçürülmüş soydaşlarımızın geriqayıdış məsələsini zaman-zaman gündəmə gətirir və prioritet istiqamətlərdən biri olaraq görür. İndiki məqamda isə bu məsələnin gündəmdə saxlanılması hesab edirəm ki, kifatəyət qədər vacibdir. Amma, Ermənistan çox təəssüf ki, beynəlxalq hüquqa hörmət qoymayaraq azərbaycanlıların öz doğma torpaqlarına qayıdış prosesinin həyata keçiirlməsini istəmir. Ermənistan hökumətinin təşkilatçılığı ilə Qarabağdan köçmüş ermənilərin Azərbaycana qayıdışını şərt olaraq irəli sürür. Hesab edirəm ki, bu iki məsələ arasında oxşarlıq qətiyyən yoxdur və tamam fərqli məsələlərdir. Ermənistanın bu məsələdən kart kimi istifadə etməsi heç bir effekt verməyəcək".

Vüsalə İbrahimli

Telegramda izləyin