Ronaldonun sözləri ölkəni ayağa qaldırdı - FOTO

2034-cü il dünya çempionatına ev sahibliyi Səudiyyə Ərəbistanına verildikdən sonra "Əl-Nəsr"də çıxış edən Kriştiano Ronaldonun sosial media hesabında dediyi sözlər müzakirələrə səbəb olub.

Sonxeber.az xarici mediaya istinadən xəbər verir ki, öz postunda Səudiyyə Ərəbistanını təbrik edən Kriştiano Ronaldo yazıda reklam çarxında təşkilatın 2034-cü ildə ən yaxşı dünya çempionatı olacağını bildirib.

Ronaldo reklam çarxında bunları deyib: "İnfrastrukturu, stadionları, azarkeşləri, hər şeyi gördükdən sonra 2034-cü ilin ən yaxşı dünya çempionatı olacağına daha da əmin oldum. Bu gün birlikdə olduğum bu uşaqlardan bir-ikisi dünya çempionatında oynayacaq. İnanıram ki, xüsusilə də qadınlar çox yaxşı inkişaf edəcəklər: Biz hər şeydə birlikdə böyüməliyik. Onları tək futbolda deyil, həyatda da buna inanmağa sövq edəcəm."

Ronaldonun bu açıqlamaları portuqaliyalı azarkeşləri son dərəcə qəzəbləndirib. Çünki 2030-cu il dünya çempionatının ev sahiblərindən biri Portuqaliyadır. Yazının altında bu məsələyə toxunan bir çox azarkeş Ronaldonun açıqlamasının təəssüf doğurduğunu və çox üzücü olduğunu bildirərək ulduz futbolçuya reaksiya verib.

Vüsalə İbrahimli

Telegramda izləyin