68 ildən sonra ortaya çıxdı: Bu tarixi formadan cəmi 2 ədəd var

Orduda "Qalatasaray" tərəfdarı olan Fuat Türkmen, "Qalatasaray" İdman Klubunun 68 il əvvəl Avropa kubokunda Buxarest "Dinamo"su ilə ilk matçında meydanda geyindiyi və geriyə cəmi ikisinin qaldığı formalardan birinin sahibidir.

Sonxeber.az xarici mediaya istinadən xəbər verir ki, "Qalatasaray"ın ilk oyunu olan matçda futbolçuların geyindiyi tarixi formalardan birinə sahib olan Fuat Türkmen bu formaya yaxşı baxır və vaxtaşırı təmizləyərək baxımına laqeyd qalmır.

Fuat Türkmen belə mənalı formaya sahib olduğu üçün çox xoşbəxt olduğunu ifadə edib.

Formanın ona necə çatmasından danışan Türkmen, "Matçda qapını qoruyan şəxs rəhmətlik Turqay Şeren idi. Turqay Şeren bu formanı illərdir saxladıqdan sonra ailə dostumuza hədiyyə etdi. Ailə dostumuz bilirdi ki, mən bir futbolçuyam.

Fanatik "Qalatasaray" tərəfdarı, bu formanı mənə hədiyyə etdi. Bəzən pul təklif edənlər olur, amma bu formanı maddi cəhətdən qiymətləndirmək olmaz, onun sentimental dəyəri çox yüksəkdir və satmaq fikrində deyiləm" - dedi.

Vüsalə İbrahimli

Telegramda izləyin