"Sahibkarlığa başlamaq üçün hansısa meyarlar tələb edilmir" - VİDEOMÜSAHİBƏ

"Sahibkarlıq sektorunda çalışdığım müddət ərzində topladığım təcrübələr və müşahidələrim onu göstərir ki, sahibkarlıq fəaliyyəti də digərləri kimi peşəkarılıq tələb edən bir sahədir. Danılmazdır ki, bu sahəyə yanaşma bir az fərqlidir. Misal üçün insanın əgər təşəbbüsü, həvəsi, müəyyən mənada maliyyə resursu varsa, o, rahat şəkildə, müstəqil formada sahibkarlıq fəaliyyətinə başlayır".

Bunu Sonxeber.az-a KOBSKA-nın təsisçisi Nigar Ələsgərova danışıb.

O, müsahibə zamanı qeyd edib ki, sahibkar olmaq və ciddi uğurlar əldə etmək istəyiriksə sahəyə peşəkar yanaşmalıyıq:

"Amma sahibkarlığa başlamaq üçün biz ondan hansısa meyarları tələb etmirik. Misal üçün, bir müəllim kimi işləmək üçün mütləqdir ki, ali təhsil olsun, imtahanlardan keçsin və orta məktəblərdə sinif müəllimi kimi fəaliyyət göstərsin. Lakin, sahibkarlıqda bu belə deyil. O səbəbdən biz ümumi sektora baxdıqda görürük ki, sahibkarlıq fəaliyyəti ilə məşğul olan insanların bu sahə ilə bağlı bilik və bacarıqlarında yetərsizlik müşahidə olunur. O cümlədən də qadın sahibkarlığında məsələ belədir. Əgər biz, sahibkarlıq fəaliyyətinə başlayırıq və burada ciddi uğurlar əldə etmək istəyiriksə bu sahəyə peşəkar baxmalıyıq. Yəni, sahibkarlıq, qanunvericilik nədir, bu yolda qarşımıza çıxacaq hansı məqamlar və tələblər var vəs. Sahibkarlıq fəaliyyəti elədir ki, birbaşa müxtəlif dövlət qurumları, vergi və gömrük xidmət də daxil olmaqla vəs. qurumlarla birbaşa əməkdaşlıq və ciddi prosedurları bilmək tələb edir. Buna görə də qadın sahibkarlarımız da bu sahə ilə məşğul olmaq və uğur qazanmaq istəyirlərsə mütləqdir ki, bunun üçün bilik və bacarıqlarımı artırsınlar".

Müsahibənin davamı:

Vüsalə İbrahimli

Telegramda izləyin