Gəncədə yeni məktəb ərazisində "Quruda Həyat" çağırışı ilə ağacəkmə aksiyası keçirilib

Bu gün BMT-nin Davamlı İnkişaf Məqsədləri üzrə təhsil proqramının son həftəsi çərçivəsində iqlim dəyişikliyi üzrə mübarizədə "Tomris Tərəqqi Uğrunda" İctimai Birliyinin təşəbbüsü ilə "Quruda Həyat" mövzusuna həsr olunmuş aksiya baş tutub. Tədbir zamanı Gəncədə hələ inşa edilən yeni məktəbimizin ərazisində şagirdlər və müəllimlərin iştirakı ilə kütləvi ağacəkmə aksiyası həyata keçirilib.

Aksiyanın keçirilməsində əsas məqsəd ekoloji maarifləndirməni artırmaq, şagirdlərə təbiətin mühafizəsinin vacibliyini aşılamaq və ətraf mühitin sağlamlaşdırılmasına töhfə vermək olub. Aksiyanın təşkilatçıları bildiriblər ki, bu fəaliyyət gələcək nəsillərə daha yaşıl və dayanıqlı bir mühit təqdim etmək məqsədi daşıyır.

Qeyd edək ki, son həftəsini tamamlayan BMT-nin Davamlı İnkişaf Məqsədləri üzrə təhsil proqramı çərçivəsində müxtəlif davamlı inkişaf mövzuları üzrə maarifləndirmə tədbirləri keçirilib. Bu tədbirlər boyunca şagirdlərin diqqəti ən mühüm ekoloji, sosial və iqtisadi problemlərə yönəldilib, onların dayanıqlı gələcək naminə bilik və bacarıqlarının artırılmasına xüsusi önəm verilib.

Telegramda izləyin