Sevgilisinə lağ edən kişini bir yumruqla öldürdü - VİDEO

İngiltərənin Gorseinon qəsəbəsindəki bir barda baş verən hadisədə 39 yaşlı Kristofer Kuper sevgilisini ələ saldığını iddia etdiyi 64 yaşlı Kelvin Evansı öldürüb. Hadisə anbaan təhlükəsizlik kameralarına düşüb.

Sonxeber.az xarici mediaya istinadən xəbər verir ki, yerli vaxtla gecə saatlarında baş verən hadisədə Kristofer Kuper sevgilisi ilə karaoke barda əylənirmiş. Kuperin iddiasına görə, Kelvin Evans sevgilisinin mahnı oxumasına lağ edib. Bunun üzərinə o, Evansa arxadan yaxınlaşaraq ona sərt bir yumruq vurub.

Təhlükəsizlik kamerası görüntülərində hücumdan xəbərsiz olan Evansın yumruq zərbəsi ilə əvvəlcə divara dəydiyi, daha sonra isə səkiyə yıxıldığı görünür.

Hadisə yerində huşunu itirən 64 yaşlı Evans dərhal xəstəxanaya aparılıb və orada 1 ay mübarizə apardıqdan sonra vəfat edib.

Vüsalə İbrahimli

Telegramda izləyin