"Azərbaycan İran da daxil olmaqla, bütün qonşuları ilə normal tərəfdaşlıq prinsiplərinə uyğun siyasət həyata keçirir" - AÇIQLAMA

Yaxın gələcəkdə Azərbaycanla İran arasında hökumətlərarası komissiyanın növbəti iclası keçiriləcək.

Bu barədə Prezident İlham Əliyevin İranın Milli Təhlükəsizlik üzrə Ali Şurasının katibi Əli Əkbər Əhmədianı qəbul etdiyi görüşdə bildirilib.

Bəs görəsən bu iclas Azərbaycan və İran arasındakı münasibətlərə necə təsir edəcək?

Mövzu ilə bağlı politoloq Tural İsmayılov Sonxeber.az – a açıqlama verib:

"Azərbaycan İran da daxil olmaqla bütün qonşuları ilə normal tərəfdaşlıq prinsiplərinə uyğun siyasət həyata keçirir. Lakin təəssüflər olsun ki, çox zaman İrandan adekvat addımlar görə bilmirik. Amma bütün bunlara baxmayaraq iki ölkə arasında hökumətlərarası komissiyanın növbəti iclasının keçirilməsi münasibətlərimizin gələcəyi ilə bağlı müəyyən razılaşmaların əldə edilməsi, bir çox problemli məsələlərin müzakirə edilməsi baxımından önəmli və əhəmiyyətlidir. Hər halda bu iclasda Azərbaycanı narazı salan və narahat edən məqamlara toxunulacaq. Bu gün İranda bəzi şəxslərin Azərbaycan və Türkiyə əleyhinə dezinformasiya kompaniyası həyata keçirməsi çox narahatedici məqamdır və əsla iki ölkə arasındakı qonşuluq münasibətlərinin ruhuna uyğun gəlmir. Bu baxımdan da, hesab edirəm ki, İranın Milli Təhlükəsizlik üzrə Ali Şurasının katibi bu məsələlər bağlı məlumatlandırılıb. Ümid edirik ki, İran obyektiv addımlar atacaq. Ölkəsindəki anti-Azərbaycan ritorikasının kökünü kəsəcək və doğurdan da iki ölkə arasındakı normal münasibətlərin təşəkkül tapmasına çalışacaq. Çünki, bunun əksi bölgədə neqativ auranın yaranmağına səbəb olur. Bu isə arzuolunan deyil".

Çiçək Sadatova

Telegramda izləyin