Motosikletlə hərəkətdə olan şəxs silahla həm özünü, həm də dostunu yaraladı - VİDEO

Pendikdə motosikletlə hərəkətdə olan şəxs silahla həm özünü, həm də dostunu yaralayıb.

Sonxeber.az türk mediasına istinadən xəbər verir ki, hadisə ötən gün Pendikin Gözdağı bölgəsində baş verib.

İki nəfər motosikletlə hərəkətdə olarkən arxada oturan şəxs əlindəki silahla havaya atəş açmağa başlayıb. Bu zaman silahın tıxanması nəticəsində o, açılan tək güllə ilə həm özünü, həm də sürücü dostunu yaralayıb.

Ətrafdakıların məlumatı üzərinə hadisə yerinə təcili tibbi yardım və polis qrupu göndərilib.

Hər iki yaralı xəstəxanaya çatdırılıb. Polis hadisə ilə bağlı araşdırma başladıb.

Faktla bağlı istintaq davam edir.

Telegramda izləyin