Ünvan soruşduğu şəxsi "Bilmirəm" dediyi üçün güllələdi

Bursansanın Nilüfer rayonunda dəhşətli hadisə baş verib.

Sonxeber.az türk mediasına istinadən xəbər verir ki, hadisə rayonun İhsaniye məhəlləsində baç verib. Belə ki, bir nəfər kafenin qarşısında dayanan E.Ö adlı şəxsdən ünvanı soruşub. Bu zaman E.Ö ünvanı bilmədiyini dediyi üçün həmin şəxs "Necə yəni bilmirsən" deyərək ona silahla hücum edib. O, E.Ö-nün ayaqlarına atəş açıb və hadisə yerindən qaçıb.

Ətrafdakılar ona köməyə qaçarkən ayağından güllə yarası alan E. Ö. qanlar içində yerə yıxılıb. Məlumat verildikdən sonra hadisə yerinə təcili tibbi yardım və polis əməkdaşları sövq edilib. Həkimlər tərəfindən ilkin yardımı edilən yaralı xəstəxanaya çatdırılıb.

Polis qaçan şübhəlinin tutulması üçün axtarışa başlayıb.

Faktla bağlı istintaq davam edir.

Telegramda izləyin