Evə gələn gənc qız anasını hamamda bıçaqlanmış halda tapdı

Ədirnədə evə gələn gənc qız anasını hamamda bıçaqlanmış vəziyyətdə tapıb.

Sonxeber.az türk mediasına istinadən xəbər verir ki, hadisə axşam saatlarında Abdurrahman Mahallesindəki yaşayış binasında baş verib. Belə ki, bir gün əvvəl köçdükləri binanın 3-cü mərtəbəsindəki mənzilə gələn gənc qız anası Günnaz Cancını hamamda sinəsindən bıçaqlamış vəziyyətdə tapıb. Qızın məlumatı üzərinə evə polis və təcili tibbi yardım sövq edilib.

Həkimlərin ilk müayinəsi zamanı Cancının öldüyü müəyyən olunub. Onun meyiti incələnmə üçün tibbi ekspertizaya aparılıb. Hadisə zamanı Cancının həyat yoldaşının işdə olduğu öyrənilib.

Polis hadisə ilə bağlı araşdırmalara başlayıb. İstintaq davam edir.

Telegramda izləyin