Ana 3 yaşlı qızını mətbəxdə yandırmağa çalışdı - VİDEO

Hondurasda ana 3 yaşlı qızını yandırmağa çalışıb.

Sonxeber.az xarici mediaya istinadən xəbər verir ki, hadisənin görüntüləri sosial mediada yayılıb.

Görünütlərdə evin mətbəxində Peres alışqanını kiçik qızının üstündə saxlayır və uşaq qışqırmağa başlayır. Ana ağlayan övladına iki dəfə sillə vurub, daha sonra onu təhqir edir. Bu anları qonşulardan biri lentə alaraq sosial mediada paylaşıb.

Videonu izləyən sosial media izləyiciləri Peresin psixoloji vəziyyətinin qeyri-sabit olduğunu bildirib.

Yayılan görüntülərdən sonra polis hərəkətə keçib və bazar ertəsi Peresi saxlayıb. Polis bölməsinə aparılarkən jurnalistlərin suallarını cavablandıran ana göz yaşları içində peşman olduğunu bildirib. "Niyə belə bir şey etdin?" sualına o: "Bilmirəm, normalda qızıma pis münasibət göstərmirəm" cavabını verib.

İstintaq çərçivəsində Peresin üç uşağı dövlət himayəsinə götürülüb.

Uşağa ağır təcavüzdə ittiham edilərək həbs edilən ananın məhkəmə prosesi davam edir.

Telegramda izləyin