Güllə 9 yaşlı uşağın həyatına son qoydu

Yanvarın 13-də Adananın Kozan rayonunun Turqutlu məhəlləsində bir evin qarşısında keçirilən toyda havaya atəş açılıb.

Sonxeber.az xarici mediaya istinadən xəbər verir ki, güllələrdən biri 9 yaşlı K.A-nın başına dəyib. O, ağır yaralanaraq Adana Şəhər Xəstəxanasına çatdırılıb.

Xəstəxananın reanimasiya şöbəsində 2 gündür həyat mübarizəsi aparan uşaq həkimlərin bütün səylərinə baxmayaraq həyatını itirib.

Toyda uzun lüləli silahlarla atəş açıldığı iddia edilən hadisədən sonra polis qrupları 10 şübhəlini nəzarətə götürüb.

Polis bölməsindəki əməliyyatlardan sonra ədliyyəyə sövq edilən 10 şübhəlinin ifadələri hələ də davam edir.

Telegramda izləyin