Qadın restoranda yediyi kumpirdən zəhərlənib öldü

İzmirin Buca rayonunda yediyi kumpirdən zəhərlənən qadın dünyasını dəyişib.

Sonxeber.az türk mediasına istinadən xəbər verir ki, hadisə Buca rayonu, Forbes küçəsində yerləşən kumpir restoranında baş verib. Belə ki, kumpiri yedikdən sonra halı pisləşən Server Polat xəstəxanaya gedib. Orda bir müddət müalicə aldıqdan sonra isə evinə qayıdıb. Lakin hadisədən 2 gün sonra qadın evinin tualetində ölü tapılıb.

Ailə həmin restorandan şikayət edib.

İzmir Respublika Prokurorluğu Servet Polatın ailəsinin şikayəti əsasında istintaq başladıb.

İstintaq çərçivəsində aparılan araşdırmalar zamanı həmin restoranda kumpir yeyən digər şəxslərin də zəhərlənmə əlamətləri ilə xəstəxanalara müraciət etdiyi müəyyən edilib.

İzmir Kənd Təsərrüfatı və Meşə İl Müdirliyi və hadisə yeri araşdırma qrupları tərəfindən müəssisədə yeməklərin hazırlanmasında istifadə edilən materiallardan götürülən nümunələrin ilkin müayinəsində salmonella virusu aşkar edilib.

Restoranın sahibi N.D polis tərəfindən saxlanılıb. O ehtiyatsızlıqdan ölümə səbəb olmaq ittihamı ilə polis bölməsindəki əməliyyatlarından sonra sövq edildiyi məhkəmə tərəfindən həbs edilib.

Telegramda izləyin