Sürücülük vəsiqəsi olmayan vətəndaş yol polisi əməkdaşına xəsarət yetirib - VİDEO

Ankaranın Etimesqut səmtində yol mühafizəsi həyata keçirən Ankara Polis İdarəsi qrupları şübhəli avtomobili saxlamaq istəyiblər.

Sonxeber.az türk mediasına istinadən xəbər verir ki, dayanma xəbərdarlığına tabe olmayaraq qaçmağa çalışan sürücü avtomobili ilə növbətçi polis əməkdaşını vurub.

Zərbə zamanı məmur avtomobilin kapotundan yapışaraq təxminən 250-300 metr sürüklənib.

Maşın dayananda qaçan sürücü daha sonra tutularaq nəzarətə götürülüb.

Yoxlamalar zamanı məlum olub ki, sürücü H.Ö.-nin sürücülük vəsiqəsi yoxdur. Saxlanılan H.Ö. lazımi hüquqi prosedurlar tamamlandıqdan sonra, məhkəmə tərəfindən tutularaq həbsxanaya göndərilib.

Bildirilib ki, xəsarət alan polis əməkdaşı xəstəxanada müalicəsini davam etdirir.

Telegramda izləyin