Çörək arasında narkotik gizlətdi

Adanada Muhammed K. adlı şəxs çörəyin içinə gizlədilmiş 972 ədəd narkotik həblə tutulub.

Sonxeber.az türk mediasına istinadən xəbər verir ki, Yüreğir mahalının Yeşilbağlar məhəlləsində baş verib. Adana Narkotik Suçlarla Mübarizə Şöbə Müdirliyi qrupları narkotik satıcılarına qarşı küçə araşdırması etdikləri zaman şübhələndikləri Məhəmməd K.-nin (26) istifadə etdiyi motosikleti saxlayıb.

Məhəmməd K.-nin çantasından çıxan çörəyin içərisində 972 ədəd narkotik həb tapılıb. Daha sonra polis onun evində axtarış keçirib. Evə baxış zamanı çarpayıdakı yastığın içindən 703 ədəd narkotik həb götürülüb. Şübhəli şəxsə məxsus ümumilikdə 1675 ədəd narkotik həb aşkar edilib

Saxlanılan Muhammed K.-nın ifadəsində "Həblər mənə aid deyil, onların ağrıkəsici olduğunu düşündüm, narkotik olduğunu bilmirdim" , - deyə bildirib.

Polis bölməsindəki əməliyyatların ardından ədliyyəyə sövq edilən şübhəli məhkəmə tərəfindən həbs edilib.

Telegramda izləyin