Ərəb klubu Vinisiusu 1 milyarda alır

Adı açıqlanmayan Səudiyyə Ərəbistanı klublarından biri "Real Madrid"in braziliyalı hücumçusuna 1 milyard avro alacağı iş müqaviləsi təklif edir.

Lent.az xarici mediaya istinadla bildirir ki, müqavilənin müddəti beş il olmalıdır. Klub Vinisiusun transferi üçün 300 milyon avro və illik 200 milyon avroluq müqavilə təklif edir. "Real Madrid" də oyunçunu 1 milyard avrodan aşağı qiymətə satmaq istəmir.

Madrid klubunun rəhbərliyi transfer təkliflərinə yalnız Vinisiusun klubdan getmək istədiyi təqdirdə baxmağa hazırdır. Futbolçu özü Səudiyyə Ərəbistanının "Əl-Hilal" və "Əl-Nəsr" klublarının marağına baxmayaraq, hələ ki, "Real"dan ayrılmaq istəyini bildirməyib.

Bu mövsüm Vinisius bütün yarışlarda 26 oyunda iştirak edib, 16 qol vurub və 10 məhsuldar ötürmə edib.

Telegramda izləyin