Qonşu davası qanla bitdi

Aksarayda iki qonşunun mübahisəsi qanla bitib.

Sonxeber.az türk mediasına istinadən xəbər verir ki, hadisə Şeyh Hamit rayonu, Şehit Əli Yıldırım küçəsində yerləşən 3 mərtəbəli yaşayış binasında baş verib. Belə ki, yaşayış binasının 2-ci mərtəbəsində yaşayan M.A.A. (38) naməlum səbəbdən qonşusu M.C. (30) ilə mübahisə edib. Bu zaman döyülən M.A.A. 2 gündən sonra qonşusunun qapısını döyərək yenidən mübahisə etməyə başlayıb. Mübahisə qısa zamanda davaya çevrilib. Bu zaman M.A.A. bıçaqla qonşusu M.C-nin kürəyindən vurub.

Qonşuların məlumatı ilə hadisə yerinə polis və təcili tibbi yardım sövq edilib. Hadisə yerinə gələn həkimlər yaralı M.C-yə hadisə yerində ilkin tibbi yardım göstərib, daha sonra o xəstəxanaya çatdırılıb.

M.A.A. isə hadisə yerinə gələn polis qrupları tərəfindən tutulub.

Hadisə ilə bağlı Aksaray Respublika Prokurorluğu tərəfindən araşdırma başladılıb.

Telegramda izləyin