Kişi bıçaqlandı, həyat yoldaşı isə maşınla vuruldu - Video

Xaçmazda kişi bıçaqlanıb, həyat yoldaşı isə maşınla vurulub.

Sonxeber.az Xezerxeber.az-a istinadən xəbər verir ki, hadisə Xaçmazın Qaraçı kəndində baş verib.

41 yaşlı Azər Şərifov qohumu 35 yaşlı Rahim Məmmədovu bıçaqlamaqda şübhəli bilinir.

İddiaya görə, o, daha sonra R.Məmmədovun həyat yoldaşı 33 yaşlı Sevinc Məmmədovanı avtomobillə vurub.

Bıçaq xəsarəti alan R.Məmmədovun atası bildirib ki, tərəflər arasında mübahisə yaranıb, Azər Rahimi dava üçün təyin etdiyi yerə çağırıb.

Həmin insidentdən sonra bıçaq xəsarətləri alan Rahim Məmmədov və maşınla vurulan xanımı xəstəxanaya yerləşdirilib.

DİN-dən bildirilib ki, hadisəni törətməkdə şübhəli bilinən, əvvəllər məhkum olunmuş Azər Şərifov saxlanılıb. Məsələ araşdırılandan sonra hüquqi qiymət veriləcək.

Daha ətraflı videomaterialda:

Telegramda izləyin