Xərçəng olduğunu öyrənən ana fiziki əngəlli oğlunu öldürüb intihar etdi

İngiltərədə həyatının sonuna sayılı günlər qaldığını öyrənən ana fiziki əngəlli oğlu ilə birgə intihar edib.

Sonxeber.az türk mediasına istinadən xəbər verir ki, hadisə İngiltərənin Teessayd bölgəsində baş verib.

Belə ki, 67 yaşlı Şirli Nann 50 yaşlı fiziki əngəlli oğlu Stivenə uşaqlığından bəri xüsusi qayğı göstərib.

Lakin bir müddət əvvəl xərçəng diaqnozu qoyulan Nunn, bir ay sonra xəstəliyinin sağalmaz olduğunu öyrənib.

Qadın bu xəbərdən sonra depressiyaya girib. O özünə xüsusi reseptlə verilən dərmanları həddindən artıq dozada əvvəlcə oğluna verib sonra isə özü qəbul edib.

Ana və oğlunun meyitləri evlərində qohumları tərəfindən tapılıb.

Hadisədən sonra İngiltərədə belə hadisələrin qarşısını almaq üçün fiziki əngəlli şəxslər və onların qayğısına qalan ailə üzvləri üçün dəstək sistemlərinin gücləndirilməsi tövsiyə olunub.

Telegramda izləyin