Mühafizəçi avtobus sürücüsünü bıçaqladı - VİDEO

Antalyanın Alanya rayonunda ictimai avtobus sürücüləri avtomobil sürücüsü A.Emre ilə tıxacda bir-birlərinə yol vermək məsələsi üstündə mübahisə etməyə başlayıb.

Sonxeber.az türk mediyasına istinadən xəbər verir ki, Barbaros küçəsində baş verən mübahisədə Ş.Ersin və A.Ahmet idarə etdikləri avtobusdan düşdükdən sonra onlarla A.Emre arasında dava düşüb. A.Emre yanında olan bıçaqla iki avtobus sürücüsünü yaralayıb.

Ətrafdakı insanların xəbəri üzərinə hadisə yerinə polis və təcili yardım qrupları sövq edilib. Xəsarət alan sürücülər ilkin tibbi yardımdan sonra xəstəxanaya aparılıb. Yaralıların səhhətinin yaxşı olduğu öyrənilib.

Polis əməkdaşları tərəfindən saxlanılan avtomobil sürücüsü A.Emrenin özəl bankda mühafizəçi işlədiyi məlum olub.

Telegramda izləyin