Atanın intihar paylaşımı etdiyini bildirdilər: 13 yaşlı qızı ölü tapıldı

Tekirdağın Çorlu rayonunda bir qız atasının evində ölü tapılıb.

Sonxeber.az türk mediyasına istinadən xəbər verir ki, alınan məlumata görə, Hatip məhəlləsində yaşayan A.Y-nin (44) yaxınları onun sosial media hesabından intihara cəhd edəcəyini düşünərək vəziyyəti polisə bildirib.

Bunun üzərinə A.Y.-nin evinə polis və tibbi qruplar sövq edilib. Polis əməkdaşları qapını çilingər vasitəsi ilə açdırıb.

Tibbi qruplar apardıqları yoxlamalar zamanı evdə olan A.Y.-nin qızı 13 yaşlı S.Y.-nin öldüyünü müəyyən ediblər.

A.Y-nin biləkləri kəsilmiş vəziyyətdə aşkar edilib. O, tibbi qruplar tərəfindən Çorlu Dövlət Xəstəxanasına aparılıb. Müəyyən edilib ki, A.Y bir müddət əvvəl həyat yoldaşından ayrılıb və keçmiş həyat yoldaşını məsuliyyət daşıdığına dair sosial şəbəkə hesabında paylaşım edib.

Hadisə ilə bağlı araşdırmalar davam edir.

Telegramda izləyin