3 il sonra getdiyi evdə ögey anasının sümüklərini tapdı

İzmirdə tək yaşayan təqaüdçü tibb bacısı Gülşen Çokulunun evindən qalıqları tapılıb.

Sonxeber.az türk mediasına istinadən xəbər verir ki, hadisə Konak rayonunda 4 mərtəbəli binanın üst mərtəbəsindəki yaşayış evində baş verib. Gülşen Çokulu 23 il əvvəl əri dünyasını dəyişdikdən sonra tək yaşamağa başlayıb. Bu evlilikdən övladı olmayan Çokulunun həyat yoldaşının birinci evliliyindən R.Ç adlı ögey oğlu var. Lakin onların pandemiya dövründə bütün əlaqələri kəsilib. Bir müddət əvvəl R.Ç ögey anası ilə görüşmək qərarına gəlib. Lakin onunla əlaqə saxlaya bilməyib və polisə məlumat verib. Polis məlumat üzərinə Çokulunun evinə gedib.

Çilingərin köməyi ilə evə daxil olan polis qrupları mənzilə baxış keçirərkən yataq otağındakı çarpayıda paltarları qismən çürümüş Çoklunun sümükləri ilə qarşılaşıblar. Hadisə yeri araşdırma qrupları tərəfindən aparılan araşdırmada, Çoklunun uzun müddət əvvəl öldüyü və bədənindən yalnız sümüklərin qaldığı müəyyən edilib. Prokurorun araşdırmasından sonra Çokulunun sümükləri tibbi ekspertizaya göndərilib. Polis qrupları tərəfindən evə ətraflı baxış keçirilərkən oğurluq və ya cinayət tərkibi aşkar edilməyib.

Hadisə ilə əlaqədar araşdırma başladan polis qrupları qadının ögey oğlu R.Ç.-nin ifadəsini alıb.

Hadisə ilə bağlı istintaq davam edir.

Telegramda izləyin