Əvvəlcə "intihar" etdi dedi, sonra qətli etiraf etdi

Konyada boş ərazidə avtomobilində sinəsindən bıçaqlanmış vəziyyətdə tapılan kişinin birlikdə yaşadığı qadın tərəfindən öldürüldüyü məlum olub.

Sonxeber.az xarici mediaya istinadən xəbər verir ki,polis qrupları tərəfindən nəzarətə alınan şübhəli qadının polisə verdiyi ifadədə cinayətini etiraf etdiyi, lakin daha sonra cinayəti rədd etdiyi öyrənilib.

Hadisə səhər saat 07:00 radələrində mərkəz Meram rayonunun Gödene məhəlləsində baş verib. Bir şəxsin boş yerdə park edilmiş avtomobildə özünü bıçaqladığı xəbəri üzərinə hadisə yerinə sağlamlıq və polis qrupları sövq edilib.

Sağlamlıq qrupları tərəfindən edilən ilk yoxlamada 37 yaşlı Şuayip Dəmirin öldüyü müəyyən edilib.

Şuayip Dəmirlə birlikdə avtomobildə olan və yaşadığı 35 yaşlı K.Ayşe ilk ifadəsində gecə boş bir yerdə birlikdə spirtli içki qəbul etdiklərini, daha sonra yuxuya getdiyini, səhər oyananda isə sürücünün oturacağında əyləşən Şuayip Dəmirin özünü bıçaqladığını gördüyünü bildirib.

Araşdırmaların ardından hadisədə həyatını itirən Dəmirin cansız bədəni tibbi ekspertiza üçün Konya Ədliyyə Tibb Təşkilatı Morquna aparılıb.

Qadının ziddiyyətli ifadələrindən şübhələnən Asayiş Şöbə Müdirliyi Cinayət Bürosu qrupları K.Ayşenin ifadəsini almaq üçün polis bölməsinə aparıb.

Şübhəlinin polisə verdiyi ilk ifadəsində hadisəni törətdiyini etiraf etdiyi, daha sonra isə günahını inkar etdiyi öyrənilib. Konya Nümunə Xəstəxanasında sağlamlıq müayinəsindən keçən K.Ayşe ədliyyəyə sövq edilib.

Telegramda izləyin