Gənclərin sosial şəbəkədə başlayan mübahisəsi qanla bitdi

Karamanda D.Muratın Abdullah Umut Can və A.Salih ilə sosial şəbəkədə mübahisə etdiyi iddia edilib.

Sonxeber.az xarici mediaya istinadən xəbər verir ki, mübahisədən sonra sosial şəbəkə vasitəsilə yenidən görüş təyin edən gənclər Piri Rəis parkının yaxınlığında görüşüblər.

Parkda gənclər arasında yaranan mübahisə qısa zamanda davaya çevrilib. Dava zamanı D.Murat özü ilə gətirdiyi pompalı ov tüfəngindən iki gəncə atəş açıb. Güllələr Abdullah Umut Canın boyun nahiyəsindən, A.Salihin isə qarın və döş qəfəsindən dəyib.

Yaralı gənclər şəxsi avtomobillərlə Karaman Təhsil və Araşdırma Xəstəxanasına aparılıb. Yaralılardan Abdullah Umut Can həkimlərin bütün müdaxilələrinə baxmayaraq həyatını itirib. A.Saleh əməliyyat olunub.

D.Murat baş verənlərdən sonra hadisə yerindən qaçıb. Polis hadisə ilə bağlı araşdırmalara başlayıb.

Telegramda izləyin