Arvadına ondan boşanmaq üçün ərizə yazmağa kömək edən kişini güllələdi

Konyada həyat yoldaşı ilə boşanmaqda olan şəxs, həyat yoldaşına məhkəməyə verdiyi ərizəni yazmaq üçün kömək edən şəxsi güllələyib.

Sonxeber.az türk mediasına istinadən xəbər verir ki, hadisə dünən gecə saat 05:00-də Konyanın mərkəzi Karatay rayonunda baş verib.

Belə ki, İsmail.C adlı şəxs dostları ilə birlikdə arvadına ondan boşanması üçün ərizə yazmaqda kömək edən M.C-ni güllələyib. Şübhəlilər daha sonra hadisə yerindən qaçıblar.

Güllə səslərini eşidən vətəndaşlar hadisə yerinə polis və təcili tibbi yardım çağırıblar. Əraziyə gələn şəxslər M.C-nin öldüyünü müəyyən ediblər.

Polis təhlükəsizlik kameralarını izləyərək şübhəliləri saxlayıb. Onlar ifadələrinin alınması üçün polis idarəsinə aparılıblar.

Faktla bağlı başladılan istintaq davam edir.

Telegramda izləyin