69 yaşlı qadın əri üçün "killer" tutdu - VİDEO

69 yaşlı Moskva sakini ərini öldürmək üçün qatil tutub.

Lent.az xarici mediaya istinadla bildirir ki, Moskva prokurorluğunun mətbuat xidmətinin məlumatına görə, qadın ərindən boşanırmış və əmlakın yarısını ona vermək istəməyib. Təqaüdçü miras olaraq əldə etdiyi hər şeyin özünə qalması üçün muzdlu bir qatil tapıb. Müstəntiqlərin sözlərinə görə, 25 dekabr 2024-cü ildə o, özəl detektiv agentliyi ilə əlaqə saxlayıb.

Müştəri həyat yoldaşının zəhərlənərək öldürülməsini tələb edib. "Qatil" hüquq-mühafizə orqanlarına müraciət edib. Sonra əməliyyat-axtarış fəaliyyətinin bir hissəsi kimi fəaliyyət göstərən əməliyyat agenti təqaüdçü ilə görüşüb və qadın ona zəhərli maddədən istifadə edərək 5 milyon rubl (təxminən 88 min manat) qarşılığında ərini öldürməyi tapşırıb.

Bundan sonra agent müştəri ilə telefonla və şəxsi görüşlər zamanı dəfələrlə əlaqə saxlayıb. O, ona qətl törətməyə hazırlıq, yəni zəhərli maddənin istehsalı barədə yalan məlumat verib. Şübhəli agentin bank kartına avans olaraq 1 milyon rubl (təxminən 17 min 617 manat) da köçürüb.

2025-ci il fevralın 10-da müştəri ərinin öldürülməsi ilə bağlı agentdən məlumat alıb və yerdə qalan vəsaiti ona köçürüb. Paytaxt İstintaq Komitəsinin müstəntiqləri və əməliyyat hüquq-mühafizə orqanlarının əməkdaşlarının planlaşdırılmış birgə tədbirləri nəticəsində sifarişli qətlin qarşısı alınıb, sifarişçi saxlanılıb. Onun barəsində zəruri istintaq hərəkətləri aparılır.

Telegramda izləyin