Kriştiano Ronaldo – Sərvəti və dəbdəbəli həyatı - DETALLAR

Portuqaliyalı ulduz Kriştiano Ronaldo təkcə futbol tarixinə adını yazdırmış əfsanə deyil, həm də sərvəti, avtomobilləri və dəbdəbəli həyatı ilə daim diqqət mərkəzindədir.

BAKU.WS xəbər verir ki, o, dünyanın ən varlı idmançılarından biri olmaqla yanaşı, mükəmməl biznes instinktlərinə də malikdir.

Ronaldo 2024-cü ilin məlumatına görə 500 milyon dollardan çox sərvətə sahibdir. O, tarixdə milyarder olan ilk futbolçu olub.

Onun sərvətinin əsas mənbələri:

Futbol müqavilələri – Səudiyyə Ərəbistanının "Əl-Nəsr" klubunda illik 200 milyon avro maaş alır.

Sponsorluq və reklamlar – Nike, Binance, Herbalife, Clear kimi brendlərlə milyonlarla dollarlıq müqavilələri var.

Biznes yatırımları – Öz markası "CR7" altında geyim, ətir və otellər şəbəkəsi var.

Ronaldo dünyanın müxtəlif yerlərində dəbdəbəli malikanələrə sahibdir:

Madrid – İspaniyadakı ən bahalı ərazilərdən birində yerləşən 7 milyon dollarlıq malikanə.

Mançester – "Mançester Yunayted"də oynadığı dövrdə istifadə etdiyi 6 yataq otaqlı lüks villa.

Lissabon – Portuqaliyanın ən bahalı mənzillərindən biri, dəyəri 7,3 milyon dollar.

Turin – "Yuventus"da oynayarkən yaşadığı möhtəşəm villa.

Səudiyyə Ərəbistanı – "Əl-Nəsr"ə transfer olduqdan sonra ailəsi ilə birlikdə Kral Suitində qalırdı, bu suitin dəyəri ayda 300 min dollar idi.

Ronaldo avtomobil kolleksiyası ilə də tanınır. Onun qarajında 25-dən çox lüks və nadir avtomobil var:

Bugatti Centodieci – 10 ədəd istehsal edilib, qiyməti 8 milyon dollar.

Bugatti Chiron – 2,5 milyon dollar.

Ferrari Monza SP2 – 1,6 milyon dollar.

McLaren Senna – 1 milyon dollar.

Rolls-Royce Cullinan – 400 min dollar.

Lamborghini Aventador – 500 min dollar.

Bentley Continental GT, Porsche 911 Turbo S, Mercedes G-Wagon Brabus 800 və daha çox.

Qeyd edək ki, Ronaldo cavan qalmaq üçün gündə 5 dəfə yatır. Onun bədənində heç bir döymə yoxdur, çünki mütəmadi olaraq qan və ilik donorudur. Dondurulmuş oksigen vannaları istifadə edir ki, bu da əzələlərinin tez bərpasına kömək edir.

Gün ərzində 6 kiçik porsiyada qidalanır və spirtli içkilər qəbul etmir. Oğlunun futbolçu olmasını istəsə də, onun pəhriz rejimi ilə razılaşmadığını etiraf edib. Ronaldo kasıb ailədə böyüyüb və bir zamanlar qida almağa çətinlik çəkirdi.

Kriştiano Ronaldo təkcə futbolçu deyil, həm də uğurlu biznesmen və sağlam həyat tərzinin simvoludur. Onun həyatı milyonlarla insana motivasiya verməyə davam edir!

Telegramda izləyin