Evinin qarşısında ürəyindən vurularaq öldürüldü

Hadisə İstanbulun Büyükçekmece səmtində Atatürk küçəsində baş verib.

Sonxeber.az türk mediyasına istinadən xəbəbr verir ki, iddialara görə, dörd mərtəbəli binanın yuxarı mərtəbəsində dostları ilə yaşayan Koray Kazancıoğlu (31) naməlum səbəbdən mənzilinin qapısına gələn şəxslə mübahisə edib.

Mübahisə zamanı şübhəli şəxs tapança ilə Kazancıoğlunun ürəyindən atəş açıb.

Qonaq otağına qan içində gələn Kazancıoğlu evdəki dostlarına "vuruldum" dedikdən sonra yerə yıxılıb. Bu vaxt mənzildə olan bir nəfərin evdən qaçdığı iddia edilir. Silah səslərini eşidən ətrafdakı vətəndaşlar hadisə barədə 112-yə məlumat verib.

Xəbərdarlıq üzərinə hadisə yerinə tibbi və polis qrupları sövq edilib. Bölgədə təhlükəsizlik tədbirləri alan polis qrupları hadisə ilə əlaqədar araşdırma başladıb.

Sağlamlıq qrupları ürəyindən güllə yarası alan Kazancıoğlunun hadisə yerində dünyasını dəyişdiyini təyin edib. Polis qruplarının araşdırmasının ardından Kazancıoğlunun cəsədi tibbi ekspertiza üçün Ədliyyə Tibb Təşkilatı Morguna aparılıb.

Burada iş tamamlandıqdan sonra Kazancıoğlunun cənazəsi ailəsi tərəfindən qəbul edilib. Kuba məscidində qılınan cənazə namazından sonra Koray Kazancıoğlunun cənazəsi Silivri Alipaşa qəbiristanlığında torpağa tapşırılıb.

Telegramda izləyin