16 yaşlı qız 23 yaşlı sevgilisini bu səbəbdən öldürdü

Diyarbakırın Bağlar rayonunda 16 yaşlı A.Merve tərəfindən öldürülən 23 yaşlı Muhammet Varoğlunun qətli ilə bağlı istintaq tamamlanıb.

Sonxeber.az xarici mediaya istinadən xəbər verir ki, hadisə ilə bağlı Baş Prokurorluq tərəfindən ittiham aktı hazırlanarkən pedaqoqun köməyi ilə ifadəsi alınan A.Merve qətli niyə törətdiyini açıqlayıb.

Muhammet Varoğlunun sevgilisi olduğunu bildirən A.Merve, "Muhammetle 2 həftə əvvəl sosial şəbəkədə tanış oldum. Onda mənim uyğunsuz görüntülərim var idi. Ondan ayrılsam, bu görüntüləri ailəmə verəcəyi ilə hədələyirdi. Təhdidlərə məruz qaldığım üçün onunla görüşmək istədim. Qardaşımın silahını götürdüm, amma niyyətim onu öldürmək deyildi. Sonra Muhammet mənə parkda görüşmək istədiyinə dair xəbər göndərdi", - dedi.

"Mənə dedi ki, gəl dostumun evinə gedək, orada danışaq. O qabaqda gedirdi, mən də onun arxasında gedirdim. Evdə ona şəkillərimi silməsini dedim və silahı çıxarıb ona tərəf tutdum. Əlini qaldırıb dedi ki, yaxşı, dayan, siləcəm. Bu zaman silah partladı", - deyə A.Merve qeyd edib.

16 yaşlı qız onu da vurğulayıb ki, Muhammetlə görüşməzdən əvvəl onun evinə gedib və narkotik istifadə edib. Hadisəni törədərkən isə narkotikin təsiri altında olub.

Qətlə yetirilən Muhammetin atası S.V , anası G.V oğullarının Quran hafizi olduğunu və Quran kursunda dərs dediyini bildiriblər və oğlunu öldürən A.Mervedən şikayət ediblər.

Telegramda izləyin