"Bu gün Ermənistan Azərbaycanla sülh şəraitində yaşamağı bacarmır" - AÇIQLAMA

Azərbaycan Ordusunun mövqeləri Ermənistan tərəfindən atəşə tutulub.

Bu barədə Müdafiə Nazirliyi məlumat yayıb.

Qeyd olunub ki, martın 4-ü saat 22:05 radələrində Ermənistan silahlı qüvvələrinin bölmələri Gorus rayonunun Xanazax yaşayış məntəqəsi istiqamətində yerləşən mövqelərindən Azərbaycan Ordusunun mövqelərini atıcı silahlardan atəşə tutub.

Bəs görəsən Ermənistanın bir tərəfdən sülhdən danışıb, digər tərəfdən Azərbaycana qarşı təxribatlar törətməsi nə dərəcədə doğrudur?

Politoloq Tural İsmayılov bu barədə Sonxeber.az -a danışıb:

"Ermənistan hər zaman Azərbaycanla münasibətlərdə irəliləyiş əldə etdiyi zamanda müxtəlif təxribatlar törədərək vəziyyətin gərginləşməsinə səbəb olur. Onlar tərəfindən ölkəmizə qarşı törədilən müxtəlif təxribat xarakterli provakasiyaların sayının artması bir daha onu söyləməmizə əsas verir ki, bu ölkənin sülhlə bağlı aydın fikir və tezisləri mövcud deyil. Bu gün Ermənistan Azərbaycanla sülh şəraitində yaşamağı bacarmır. Ermənistanın atdığı hər bir addım bölgənin qan çanağına çevrilməsinə səbəb olur. Burda təkcə Ermənistan deyil, onları silahlandıran, ölkəmizə təzyiqlər etməyə çalışan Fransanın da günahı var. Mülki müşahidə missiyası adı altında Ermənistan ərazilərinə doluşmuş qərb casus şəbəkələrinin də günahı var. Hesab edirəm ki, Ermənistan Xarici İşlər Nazirliyinin son dövrlər Azərbaycanın daxili işləri ilə bağlı səsləndirdiyi dırnaqarası bəyənnatlar, Ermənistan hakimiyyət komandasında təmsil olunanların anti-azərbaycan ritorikası, törədilən təxribatlar göstərir ki, onlar növbəti dəfə Azərbaycan əleyhinə sistematik fəaliyyətlərlə məşğuldur".

Çiçək Sadatova

Telegramda izləyin