"Bacımın maşında başqa şəxslə görüşdüyünü gördüm" - Müəllimənin qatilindən İLGİNC İFADƏLƏR
Zaqatala rayonu, Yuxarı Tala kəndində müəllimənin odlu silahla qətlə yetirilməsinin təfərrüatı məlum olub. Hadisə mərhumun atasının il mərasimində baş verib.
Sonxeber.az Musavat.com-a istinadən xəbər verir ki, 1980-ci il təvəllüdlü Natavan Əhmədova qardaşı - 1989-cu il təvəllüdlü Nurlan Əsgərov tərəfindən odlu silahla qətlə yetirilib.
İstintaqla müəyyən edilib ki, Nurlan bacısının başqa şəxslə münasibətindən şübhələndiyi üçün onu öldürüb.
Məhkəmə araşdırması zamanı maraqlı məqam üzə çıxıb. Belə ki, Nurlan istintaqda dindirilərkən, bacısını başqa şəxslə maşında görüşən zaman gördüyü üçün onu öldürdüyünü, özünün və ailəsinin adına ləkə gətirdiyini deyib. Lakin məhkəmədə bildirib ki, hadisə vaxtı özündə olmayıb və psixoloji problemləri var.
Nurlan nə hadisəni, nə də istintaqda verdiyi ifadəni xatırladığını deyib. Əlavə edib ki, bacısı hər hansı bir şəxslə münasibətdə olmayıb:
"Bacımla münasibətimiz yaxşı olub. Onun kiminləsə görüşməsi barədə nəsə dediyimi, gördüyümü xatırlamıram. Əgər belə bir şey olsaydı, onu evdə yox, kənar bir yerdə öldürərdim. Baş verən heç nəyi xatırlamıram. İndi də hadisə barədə heç nə xatırlaya bilmirəm".
Qeyd edək ki, Nurlan qətl hadisəsini ata evində törədib. O, atasının il mərasimində bacısının telefonla danışdığını görüb və şübhə edib. Evdə olan ov tüfəngi ilə bacısının baş nahiyəsindən bir dəfə atəş açıb. Evdə anası, bacısı və digər qohumları da olub. Hadisədən sonra özü polisə təslim olub.
Mərhumun əri Qurban Əhmədov çıxışında Nurlanın istintaqdakı ifadəsi ilə razılaşmayıb. Deyib ki, qaynının bu cür fikirlər səsləndirməkdə məqsədi kriminal aləmdə nüfuz qazanmaqdır:
"Nurlan bacısının səhv hərəkətə yol verdiyini görmüşdüsə, niyə həmin yerdə tədbir görmədi? Onun məqsədi qətli namus üstündə törətdiyini göstərmək, həbsxanada dustaqların ona hörmətlə yanaşmasını təmin etməkdir. Özünü kriminal aləmdə tanıtmaq istəyir. Yoldaşım barəsində dedikləri yalandır. Onu bağışlamıram. Cəza verilməsini tələb edirəm".
İstintaq zamanı mərhumun anası, bacısı və digər şahidlər də dindirilib. Onlar Natavan Əhmədovanın hər hansı bir şəxslə nikahdankənar münasibətinin olması faktını təsdiq etməyiblər. Əksinə, bunu inkar ediblər.
Şahidlər həmçinin Nurlanın psixi problemlərinin olması, hər hansı bir xəstəlikdən əziyyət çəkməsini də təsdiq etməyiblər.
İstintaq zamanı o da məlum olub ki, mərhumun hər hansı bir şəxslə nikahdankənar münasibətinin olmasını sübut edən fakt - şahid, telefon danışığı, mesaj yoxdur.
Ekspertiza rəyi ilə də Nurlanın sağlam olduğu, hər hansı bir xəstəlikdən əziyyət çəkmədiyi, narkotik vasitə istifadəçisi olmadığı müəyyən edilib.
Nurlanın məhkəmədə dedikləri özünümüdafiə məqsədilə verilmiş yalan ifadə kimi qiymətləndirilib.
Məhkəmənin hökmü ilə Nurlan xüsusi amansızlıqla qəsdən adam öldürmədə təqsirli bilinərək, 17 il müddətinə azadlıqdan məhrum edilib.
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bakıda DƏHŞƏT: Avtobus gənc qızı vuraraq öldürdü
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
Novxanıda sərnişinlər avtobusda ekstrim yaşadı - Video
Rəşid Mahmudovun evində partlayış baş verib?
637 balla universitetə qəbul olmuşdu: Yataqxanada ölən tələbə ilə bağlı yeni təfərrüat
Güclü küləklə bağlı xəbərdarlıq
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Prezident İlham Əliyevdən milli teleradioya mühüm mesaj: Azərbaycan həqiqətlərinin təbliği strateji vəzifədir
Azərbaycan-Böyük Britaniya: regional sabitlik və qlobal əməkdaşlıq perspektivləri
Netanyahunun sosial şəbəkə hesablarına kiberhücum oldu - FOTO
Kadir İnanırın mirasının məbləği açıqlandı
Azərbaycan-Böyük Britaniya münasibətlərində yeni mərhələ başlayır
1960-cı ildə proqnozlaşdırılan "qiyamət günü" gəldi
Azərbaycan-Böyük Britaniya arasında əməkdaşliq perspektivləri
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA