Tomas Müller "Bavariya"dan ayırlacağını rəsmi olaraq açıqladı

Tomas Müller mövsümün sonunda "Bavariya"dan ayrılacağını açıqlayıb.

Oxu.Az xəbər verir ki, 35 yaşlı futbolçu sosial şəbəkələr vasitəsilə Münhen komandasında çıxışını davam etdirmək istədiyini, lakin klubun müqaviləni yeniləməmək qərarına hörmətlə yanaşdığını yazıb.

Bütün karyerasını "Bavariya"da keçirən təcrübəli hücumçu Bundesliqa təmsilçisinin heyətində 12 dəfə Almaniya çempionu, iki dəfə Çempionlar Liqasının qalibi adını qazanıb.

Qeyd edək ki, bu mövsüm forvard klubda 36 oyun keçirib, 5 qola və eyni sayda məhsuldar ötürməyə imza atıb.

Tomas Müller sosial şəbəkə hesabında azarkeşlərinə bu barədə səslənib:

"...Mən "Bavariya"da iştirak etdiyim uzun müddət üçün hər kəsin təşəkkürünü hiss edirəm və sevimli klubumda 25 inanılmaz il ərzində oynadığım üçün dərin sevinc hissi keçirirəm. Birlikdə keçirdiyim bir çox gözəl anlar sayəsində mən həmişə "Bavariya" ilə və sizinlə bağlı olacağam.

İndi bütün diqqətimiz mövsüm üçün idman məqsədlərimizə yönəlib. Çempionlar Liqasının Kubokunu vətənə gətirmək və mayın sonunda doğma meydanımızda çoxdan gözlənilən finala çıxmaq mənim üçün arzumun gerçəkləşməsi olardı. Bunun üçün hər şeyi verəcəyəm!

Olan və gələcək hər şey üçün hamıya təşəkkür edirəm".

Telegramda izləyin