Həyat yoldaşı ilə münasibətdə olduğu üçün qohumunu küçənin ortasında güllələdi

Esenyurt Zafer Məhəlləsində baş verən hadisədə Y.Berkay adlı şəxs yolda gedərkən motosikletlə gələn şəxs və ya şəxslərin hücumuna məruz qalıb.

Sonxeber.az xarici mediaya istinadən xəbər verir ki, iki güllə yarası alan Y.Berkay qanlar içində yerə yıxılıb. Hadisəni görən vətəndaşlar ilkin tibbi yardım göstərərək polis və tibbi qruplara xəbər verib. Hücum edən şəxsin motosikletlə hadisə yerindən qaçdığı bildirilib.

Xəbərdarlıq üzərinə gələn tibbi qruplar qısa müddətdə hadisə yerinə gəlib. Y.Berkay təcili yardımla xəstəxanaya aparılıb.

Y.Berkayın bir müddətdir qohumunun həyat yoldaşı ilə münasibətdə olduğu və hücumu əmisi oğlunun etdiyi iddia edilib.

Polis hadisə ilə bağlı araşdırmalara başlayıb.

Telegramda izləyin