Çavuş tərəfindən güllələnən şəxs öldü: "Niyə mənə yan baxırsan?" - VİDEO

Qarsın Kağızman səmtindəki bir yeməkxanada çavuş K.Selman ona dik baxdığını iddia etdiyi elektrik paylayıcı şirkətin işçisi Yakup Aydını (32) vuraraq öldürdüyü hadisənin görüntüləri ortaya çıxıb.

Sonxeber.az türk mediyasına istinadən xəbər verir ki, aprelin 6-da saat 16:00 radələrində Kağızman rayonundakı yeməkxanada baş verən hadisədə dostu ilə oturan Yakup Aydın yanına gələn şəxslə birlikdə masadan qalxaraq bufetin çıxışına tərəf gedib.

Bu vaxt masa arxasında tək oturan və cib telefonu ilə məşğul olan çavuş K.Selman ikilinin yanına keçib.

İddiaya görə, K.Selman Yakup Aydından "Niyə mənə yan baxırsan?",- deyib əvvəlcə mübahisə etdi, sonra isə dava düşdü.

Kafe işçiləri və müştərilər araya girərək tərəfləri ayırmağa çalışıb. K.Selman belindən xidməti silahını çıxarıb. Yakup Aydın pilləkənlərlə enərkən K.Selman onun arxasınca dəfələrlə atəş açıb. Bədəninə dəyən güllələrdən yıxılaraq bir müddət pilləkənlərdə sürüklənən Aydın ağır yaralanıb.

Hadisədən sonra çölə çıxan K.Selman güllələdiyi Yakup Aydından uzaqlaşıb. Xəstəxanaya aparılan Yakup Aydını xilas etmək mümkün olmayıb. Polis bölməsindəki əməliyyatlardan sonra təhlükəsizlik səbəbiylə Qars Ədliyyəsinə sövq edilən çavuş K.Selman prokurorluqda susmaq hüququndan istifadə edib.

"Qəsdən adam öldürmə" cinayəti ilə məhkəməyə çıxarılan K.Selman tutularaq həbsxanaya göndərilib.

Telegramda izləyin