"Qalatasaray" Osimhenin yerinə oyunçu TAPDI

İstanbul təmsilçisi "Qalatasaray" Viktor Osimhenin transferi üçün işlərini davam etdirərkən, Fransız mətbuatında gündəmi silkələyəcək bir iddia ortaya atılıb.

Milli.Az Türkiyə mətbuatına istinadən xəbər verir ki, Kolo Muani "Qalatasaray"ın hədəfində olan futbolçu kimi göstərilib.

Fransanın "Sport.fr" saytında yer alan məlumata görə, hazırda "Yuventus"da icarə əsasında çıxış edən və çətin günlər yaşayan Randal Kolo Muani İstanbul nəhənginin transfer siyahısına düşüb.

Az oynayır

Fransız hücumçu İtaliya karyerasına yaxşı başlasa da, İqor Tudorun baş məşqçi təyin olunmasından sonra ehtiyat oyunçular skamyasına çəkilib. "Yuventus"un Kolo Muaninin transfer hüququnu alma ehtimalının aşağı olması, "sarı-qırmızılı" rəhbərliyin diqqətini cəlb edib.

Transferdə ciddi rəqiblər

Mənbənin yazdığına görə, "Mançester Yunayted", "Arsenal" və "Tottenhem" kimi bir sıra İngiltərə klubları da 26 yaşlı hücumçunun ayrılacağı halda hərəkətə keçməyə hazırlaşır.

Cari mövsüm performansı

2024/25 mövsümündə həm PSJ, həm də "Yuventus" forması ilə bütün turnirlərdə ümumilikdə 27 oyuna çıxan Kolo Muani, 7 qol və 3 məhsuldar ötürmə ilə yadda qalıb.

Telegramda izləyin