Azərbaycan millisinə cəlb olunan idmançıya qarşı cinsi zorakılıq

Azərbaycan milli komandasına yeni cəlb edilən fiqurlu konkisürən Veronika Jilina cinsi təcavüzə məruz qalıb.

Teleqraf xəbər verir ki, bu barədə əslən rusiyalı idmançının anası və "Angelı Plyuşenko" akademiyasının məşqçisi Lyudmila Alferova "Barxatnıy Konyok" teleqram səhifəsinə açıqlamasında deyib.

"Qızımın 11 yaşı olanda xoreoqraf Sergey Rozanovun onu necə incitməsini desəm, şoka düşəcəksiniz. Kislovodska getdim, Veronika mənə hər şeyi danışdı. Bunu ictimailəşdirmək istəmədilər. Uşaq mənə zəng edib dedi ki, Rozanov onu öz otağına aparır... Heç kim ona kömək etməyib. Yevgeni Plyuşenko bundan xəbər tutandan sonra onu akademiyadan qovdu.
Rozanovun ağlı yeniyetməlik illərində qalıb. O, balaca uşaqlara meyl edir. Bütün digər uşaqlar və onların valideynləri məni eşitməlidirlər. Bu pedofil haqqında hər kəs bilməlidir!", - deyə Alferova bildirib.

Alferova insidentlə bağlı ətraflı müsahibə verəcəyini əlavə edib.

Qeyd edək ki, Veronika Jilinanın hazırda 16 yaşı var. Yazda onun növbəti mövsümdən Azərbaycan millisini təmsil edəcəyi məlum olub.

Telegramda izləyin