Boşanmaq üzrə olduğu ərinin evinin önünə getdi, video çəkib intihar etdi

Esenlerdə boşanma prosesində olduğu ərinin yaşadığı binanın qarşısına gələn qadın intihar edib.

Sonxeber.az türk mediasına istinadən xəbər verir ki, hadisə dünən saat 03:00 radələrində Esenler rayonu Kazım Karabəkir Məhəlləsində baş verib. Belə ki, Sema Nur Sarıboğa Baran boşanma prosesində olduğu Ebubekir Baranın yaşadığı binanın qarşısına gəlib. Əlində silah olan qadın qapının zəngini basdıqdan sonra bir müddət gözləyib, lakin açan olmayıb. Bu zaman evin qarşısındakı pilləkəndə oturan qadın özü ilə gətirdiyi silahla qarnına atəş açıb.

Silah səsini eşidən bölgədəki vətəndaşların xəbəri üzərinə hadisə yerinə təcili tibbi yardım qrupları sövq edilib. Hadisə yerində edilən müdaxilədən sonra təcili tibbi yardımla Bağcılar Təhsil və Araşdırma Xəstəxanasına aparılan qadın bütün müdaxilələrə baxmayaraq xilas ola bilməyib və həyatını itirib.

Polis hadisə ilə bağlı araşdırmalara başlayıb. Araşdırmalarda müəyyən edilib ki, Səma Nur Sarıboğa Baran ölməzdən əvvəl mobil telefonu ilə video çəkib və videonu mesajlaşma proqramı ilə paylaşıb.

Kadrlarda qadın "Məni tanıyan hər kəs nə olduğunu bilir. Əvvəla, qızım 4 yaşındadır, bu günə qədər onun üçün mübarizə aparmışam. Canımı, qanımı, hər şeyimi qurban vermişəm. Hər kəs ruhi xəstə olan bir adamın böhtanına inandı, amma mənə inanmadılar. Mən heç kəsi bağışlamıram. Bağışlamayacağam. Qızım sizə əmanətdir. Ona yaxşı baxın", - deyə bildirib.

Telegramda izləyin