Qardaşının silahı ilə oynayan yeniyetmə səhvən bacısını güllələyərək öldürdü - FOTOlar

Kütahyanın Tavşanlı rayonunda baş verən faciə ailəni yasa boğub.

Sonxeber.az türk mediasına istinadən xəbər verir ki, iddialara görə, 15 yaşlı O.Y. evdə masanın üzərində qalmış silahı götürərək ehtiyatsızlıq nəticəsində bacısı Nisanur Yakına atəş açıb. Güllə yarası alan gənc qız hadisə yerində dünyasını dəyişib.

Məlumata görə, ailənin böyük oğlu – kiçik zabit Y.Y. (23) Bursa şəhərində çalışırmış və həmin gün axşam saatlarında ailəsini ziyarət etmək üçün Moymul məhəlləsindəki evə gəlib. O, xidməti silahını masanın üzərinə qoyduqdan sonra evə daxil olub. Bu zaman 15 yaşlı qardaşı O.Y. silahla oynamağa başlayıb və təsadüfən mətbəxdə olan bacısı Nisanura atəş açıb.

Silah səsini eşidən ailə üzvləri Nisanuru qanlar içində tapıblar. Onun həyatını xilas etmək mümkün olmayıb. Cəsəd prokurorun araşdırmasından sonra Tavşanlı Doç. Dr. Mustafa Kalemli Dövlət Xəstəxanasının morquna yerləşdirilib.

Hadisə ilə bağlı araşdırma aparılır.

Telegramda izləyin